Месси «ПСЖ» билан бирга Чемпионлар лигаси жорий мавсумини тарк этди. Бу аргентиналикнинг Европанинг асосий турниридаги кетма-кет еттинчи марта бош совринсиз қолганини билдиради.
Қисқа хронология билан эса қуйида танишиб чиқишингиз мумкин.
• 2016 йил – «Барса» чорак финалда «Атлетико Мадрид» тўсиғини енга олмади. Лео ўшанда дарвозани ишғол эта олмаган - умумий ҳисоб: 2:3.
• 2017 йил - «Барса» чорак финалда «Ювентус» қаршилигини енга олмади. Бу ерда бутун бошли жамоа итальянлар дарвозасини ишғол эта олмаган. Умумий ҳисоб: 0:3.
• 2018 йил - «Барса» чорак финалда «Рома»га икки ўйин натижасига кўра мағлуб бўлди. Дастлаб уйда 4:1 ҳисобида зафар қучган «кўк-анорранглилар» меҳмонда 0:3га ютқазиб қўйишган. Лео бу сафар ҳам гол ура олмаган.
• 2019 йил – «Барса» ярим финалда «Ливерпуль» билан тўқнаш келди. Биринчи ўйинда (3:0) Месси дубл қайд этган бўлса, «Энфилд»да 0:4 ҳисоби қайд этилди.
• 2020 йил - «Барса» ярим финалда «Бавария»га 2:8 ҳисобида мағлуб бўлди. Мессидан яна гол йўқ.
• 2021 йил - «ПСЖ» 1/8 финалда «Барса»ни мағлуб этди. Лео ўшанда яна дубл қайд этган.
Бунинг устига Мессининг «Реал»га қарши ўйинлардаги статистикаси ҳам ачинарли ҳолатда:
• 0 гол, 0 голли узатма.
• 0 гол, 0 голли узатма.
• 0 гол, 0 голли узатма.
• 0 гол, 0 голли узатма.
• 0 гол, 0 голли узатма.
• 0 гол, 0 голли узатма.
• 0 гол, 0 голли узатма.
• 0 гол, 0 голли узатма.
• 0 гол, 0 голли узатма.
«Реал Мадрид»га қарши жавоб ўйинида Месси уч марта зарба берган, бироқ уларнинг бирортаси нишонга аниқ бормади. Шунга қарамай бу аргентиналик футболчи учун «ПСЖ»даги энг яхши натижа ҳисобланади. У клуби сафида олдинги 24 учрашувда бор-йўғи 6 марта тўпни олиб қўйган. Нақадар ачинарли кўрсаткич!
Лео кеча ҳимояга ёрдам беришга ҳаракат қилди. Аммо ҳужумда, етарли ҳажмда самарали ҳаракат қила олмади.
