"ПСЖ" клуби спорт директори Леонардо "Реал" жамоасидан учралган мағлубиятдан кейинги фикрлари билан ўртоқлашди.
«Бу оғир зарба. Ўтказиб юборилган биринчи гол кўп нарсани ўзгартирди. Биз бироз адашдик ва буни "Реал" ҳам ҳис қилди. Оғир вазиятдан чиқиб кетишда йўл қўйган хатоларимизни тан олишимиз керак. Мағлубиятга учрадик - таҳлил қиладиган нарсалар бор. Имкон қадар тезроқ чиқиш йўлини топишимиз керак.
Танаффус пайтида кийиниш хонасида биз яхшироқ ўйнаганимизга ва Чемпионлар лигасида ғалаба қозона оладиган бу жамоа билан чорак финалга йўл олишимизга ишончимиз комил эди. Ҳаммаси шундай тугагач, нима учун бу содир бўлганлиги ҳақида ўйлаш керак, аммо бу вақт талаб этади», - дедеди функционер УЕФА расмий сайтига.
