Суперлига 2-туридан ўрин олган "Пахтакор" - "Нефтчи" ўйинидан сўнг (1:0) мезбонлар бош мураббийи Славче Войенски ўз фикрлари билан ўртоқлашди.
"Кийим алмаштириш хонасида йигитлар билан гаплашдим ва уларга: "Бу ўйиндаги 3 очкогина эсда қолади" дедим. "Нефтчи" вакили Аброр Исмоиловнинг қизил карточкасидан афсусдаман.
Рақиб бизга қарши яхши ўйин намойиш этди. Уларни бу билан табриклайман. Бугун жамоам ўзи хоҳлаган ўйинни намойиш этолмади. Шунинг учун, фақатгина 3 очко билан хурсанд бўлишимиз мумкин. Вазиятлар кўп бўлган бўлиши мумкин, аммо ўйинимиз яхши эмасди.
Оливер Шаркичга жамоага мослашиб олиши учун вақт керак деб ўйлайман. У Ўзбекистонга дунёнинг умуман бошқа бурчагидан келган. Оддий мисол Азиз Турғунбоевнинг ҳам "Пахтакор" услубига мослашиши учун 6 ой вақт кетган.
Имкониятларини голга айлантиришда анча нўноқмиз. Бу борада иш олиб боряпмиз. Тузатишимиз керак бўлган асосий камчилигимиз сўнгги пасни бериш ва диққатни жамлаш бўлади.
Ўринбосарлар жамоаси ўйинларини доим кузатиб бораман. Улар сафида катталар жамоаси билан машғулот олиб бораётган бир қатор футболчилар бор.
Шерзод Аъзамовни мен эмас, футболчилар сардор қилиб тайинлаган. Улар бир оила, доим бирга юришади ва ким бунга лойиқлигини яхши билишади", - деди "шерлар" бош мураббийи.
