«Манчестер Юнайтед»нинг португалиялик ҳужумчиси Криштиану Роналду Англия Премьер-лигасининг 28-тури доирасида «Манчестер Сити»га қарши ўйин олдидан Португалияга учиб кетгани учун жазоланмайди, деб хабар бермоқда The Telegraph.
Манба берган хабарга кўра, футболчи раҳбариятдан ватанига саёҳат қилиш учун рухсат сўрамаган, бироқ унинг стадионда бўлиши шарт эмас эди ва у ҳамон жароҳати сабаб майдонга туша олмайди.
37 ёшли Роналду жорий мавсумда барча турнирларда 31 та ўйинда майдонга тушиб, 15 та гол урди ва 3 та голли узатмани амалга оширди. Унинг клуб билан шартномаси 2023 йилнинг ёзига қадар мўлжалланган.
