«Manchester Yunayted»ning portugaliyalik hujumchisi Krishtianu Ronaldu Angliya Premyer-ligasining 28-turi doirasida «Manchester Siti»ga qarshi o‘yin oldidan Portugaliyaga uchib ketgani uchun jazolanmaydi, deb xabar bermoqda The Telegraph.
Manba bergan xabarga ko‘ra, futbolchi rahbariyatdan vataniga sayohat qilish uchun ruxsat so‘ramagan, biroq uning stadionda bo‘lishi shart emas edi va u hamon jarohati sabab maydonga tusha olmaydi.
37 yoshli Ronaldu joriy mavsumda barcha turnirlarda 31 ta o‘yinda maydonga tushib, 15 ta gol urdi va 3 ta golli uzatmani amalga oshirdi. Uning klub bilan shartnomasi 2023 yilning yoziga qadar mo‘ljallangan.
