Мадриднинг «Реал» клуби собиқ дарвозабони Франсиско Буйо Лионель Мессининг «ПСЖ» таркибида кўрсатаётган ўйинига баҳо берди.
«Месси - шунчаки фалокат! Бу аниқ фалокат. Бу ҳақда фақат мен гапирмаяпман, бутун Франция гапиряпти, Франциянинг барча ОАВси гапирмоқда. Агар Лига 1ни томоша қилсангиз, у ҳолда Мессини қандай ўйнаётганини кўрасиз. Ҳақли равишда "Олтин тўп"ни қўлга киритган футболчи ҳисобида атиги 2 та гол бор. Ўйлайманки, бу катта хато бўлди.
Франция чемпионатида унинг ҳисобида иккита гол бор, топ-учликка кира олмаяпти! У ўйнай олмаяпти. «ПСЖ» эса у билан ЕЧЛда ғолиб чиқиш учун шартнома имзолаганди», – деди Франсиско Буйо El Chiringuito de Jugones билан суҳбатда.
