"Краснодар" футбол клуби хўжайини Сергей Галицкий ЕЧЛ ярим финал дастлабки учрашувида "Барселона" устидан ғалаба қозонган "Челси" ўйинини танқид остига олди. Ўйинда Дидье Дрогба 45+2-дақиқада киритган гол ягоналигича қолди.
"Ҳа, ҳозирча қўрқоқ футбол ғалаба қозонмоқда, наҳотки "Челси" мухлисларига уят бўлмаса? Модомики ўзинг шу фикрда эмас экансан, ўзингни жаҳоннинг энг кучли жамоаси, деб аташга уринишдан не наф? Ўзларинг ўшандай жамоаларга мухлислик қилинглар. "Хетафе" бундай ўйин кўрсатса, тушунаман, улар жаҳоннинг энг яхши жамоаси уновнига талабгор эмас, бюджети ҳам 10 баробар кичик", — деб ёзди Галицкий ўз "твиттер"ида.
