«Барселона» ҳимоячиси Хорди Альба еврокубоклардаги юбилей ўйинини нишонлади.
Бугун Европа Лигаси доирасида Туркиянинг «Галатасарой» жамоасига қарши «Камп Ноу»да бўлиб ўтган ўйин Хорди Альба учун Европанинг икки йирик мусобақаларидаги 100-баҳс бўлди. 32 ёшли чап қанот ҳимоячиси «Валенсия» ва «Барселона» сафида Чемпионлар лигасида 82 та, Европа лигасида эса 18 та ўйинда майдонга тушган.
Альба 2009-10 йилги мавсумдан бери Европада 100 та ўйин ўтказган тўртинчи ҳимоячи бўлди. Бунгача Жерар Пике, Жером Боатенг ва Серхио Рамос ушбу натижани қайд этган.
