"Арсенал" бош мураббийи Микель Артета ҳужумчи Александр Льяказетт билан тузиладиган янги шартнома борасидаги вазият ҳақида гапирди.
"Биз мавсум якунланганидан кейин бу масалага қайтишга келишиб олдик", - дея мураббийнинг сўзларидан иқтибос келтиради журналист Фабрицио Романо.
30 ёшли франциялик футболчининг “канонирлар” билан шартномаси шу йилнинг июнь ойи охирида якунига этади. Олдинроқ "Ювентус" ва "Лион" ҳужумчини эркин агент сифатида ўз сафига жалб қилмоқчи экани ҳақида хабарлар тарқалган эди.
У жорий мавсумда “Арсенал” сафида 22 та ўйинда майдонга тушиб, 5 та гол ва 4 та голли узатмага муаллифлик қилган.