"Arsenal" bosh murabbiyi Mikel Arteta hujumchi Aleksandr Lyakazett bilan tuziladigan yangi shartnoma borasidagi vaziyat haqida gapirdi.
"Biz mavsum yakunlanganidan keyin bu masalaga qaytishga kelishib oldik", - deya murabbiyning so‘zlaridan iqtibos keltiradi jurnalist Fabrisio Romano.
30 yoshli fransiyalik futbolchining “kanonirlar” bilan shartnomasi shu yilning iyun oyi oxirida yakuniga etadi. Oldinroq "Yuventus" va "Lion" hujumchini erkin agent sifatida o‘z safiga jalb qilmoqchi ekani haqida xabarlar tarqalgan edi.
U joriy mavsumda “Arsenal” safida 22 ta o‘yinda maydonga tushib, 5 ta gol va 4 ta golli uzatmaga mualliflik qilgan.
