Ўтган якшанба куни «Наполи» А Серия доирасида «Милан» жамоасига 0:1 ҳисобида имкониятни бой берди. Баҳсли вазият биринчи бўлимда «россонерлар» дарвозасига белгиланмаган пенальти бўлди. Виктор Осимхен ҳамон ўша вазиятни унута олмаяпти.
«Шубҳасиз, бу қоидабузарлик эди. Мен муғомбирлик қилишга уринмадим, чунки шундай қилсам, сариқ карточка оламан. Мен ҳакам ВАРга ўтишини кутгандим, лекин у бундай қилмади. Бу шармандалик, лекин бу нормал ҳолат», - деди неаполликлар ҳужумчиси.
Ушбу мағлубият эвазига Спалетти бошқарувидаги «Наполи» Италия чемпионати турнир жадвалида «Милан»дан 3 очко ортда қолмоқда.
