«Ювентус» ҳимоячиси Хуан Куадрадо жамоага янги келган Душан Влаховичнинг жамоадаги ўрни ҳақида гапирди.
22 ёшли сербиялик футболчи январь ойида «Фиорентина»дан 81,6 миллион евро эвазига «Ювентус»га ўтган эди.
«Душан биз учун муҳим футболчи. У жуда кучли ва тўпни ушлаб туришимизга ёрдам беради. У «Ювентус» учун идеал вариант», — дейди 33 ёшли колумбиялик футболчи.
Турин клубига ўтганидан бери Влахович 8 ўйинда 4 гол ва 1 голли узатмани амалга оширди. Серб 20 гол билан А Серия тўпурарлари рўйхатида «Лацио» ҳужумчиси Чиро Иммобиле билан биринчи ўринни бўлишиб турибди.
