«Боруссия» ҳужумчиси Эрлинг Холандни қўлга киритиши мумкин бўлган клублар орасида «Бавария» камдан-кам тилга олинади. Мюнхенликларнинг собиқ футболчиси Сандро Вагнерни фикрича, бунга изоҳ ҳам бор. Авваллари «Бавария» Дортмунд клуби юлдузларини тез-тез овлаган.
Аммо Вагнернинг таъкидлашича, ҳозирги ҳужум етакчиси Роберт Левандовски ва Холанднинг бирга ўйнаши ҳақида гап бўлиши мумкин эмас. Унинг сўзларига кўра, Польшалик футболчи ҳатто Холаннанинг тилга олинишидан ҳам ғазабланади.
- Клубдаги ҳамма билади, Холанднинг номи тилга олинса, Левандовски ранжийди. У, шубҳасиз, ҳозир дунёнинг энг яхши марказий ҳужумчиси, аммо Холанд дунёнинг кейинги энг яхши марказий ҳужумчиси бўлади», - деди Вагнер Bild нашри билан суҳбатда.
