«Бавария» «Аякс»нинг ҳужумкор ярим ҳимоячиси Антонини сотиб олмоқчи. Бу ҳақда немис журналистлари хабар бермоқда.
Манбага кўра, агар Серж Гнабри Мюнхенни тарк этса, «Бавария» Антонини ўз сафига қўшиб олишга уриниб кўради. Гнабрининг мюнхенликлар билан шартномаси 2023 йилнинг ёзига қадар амал қилади ва футболчи Бундеслига етакчиси билан шартномани янгилашга шошилмаяпти.
Антонига келсак, 22 ёшли бразилиялик жорий мавсумда Нидерландия чемпионатида «Аякс» таркибида 22 та ўйин ўтказган. Унинг ҳисобида 7 та гол ва 4 та голли узатма бор.
Қўшимча қилиш керакки, «Бавария»дан ташқари Антонини «Тоттенхем» клуби ҳам қизиқиш билдирмоқда.