«Bavariya» «Ayaks»ning hujumkor yarim himoyachisi Antonini sotib olmoqchi. Bu haqda nemis jurnalistlari xabar bermoqda.

Manbaga ko‘ra, agar Serj Gnabri Myunxenni tark etsa, «Bavariya» Antonini o‘z safiga qo‘shib olishga urinib ko‘radi. Gnabrining myunxenliklar bilan shartnomasi 2023 yilning yoziga qadar amal qiladi va futbolchi Bundesliga yetakchisi bilan shartnomani yangilashga shoshilmayapti.

Antoniga kelsak, 22 yoshli braziliyalik joriy mavsumda Niderlandiya chempionatida «Ayaks» tarkibida 22 ta o‘yin o‘tkazgan. Uning hisobida 7 ta gol va 4 ta golli uzatma bor.

Qo‘shimcha qilish kerakki, «Bavariya»dan tashqari Antonini «Tottenxem» klubi ham qiziqish bildirmoqda.