«Барселона» Spotify компанияси билан шартнома имзолашга яқин турибди.
Mundo Deportivo хабарига кўра, томонлар ўртасида ҳомийлик шартномаси яқин ҳафталарда имзоланиши мумкин.
«Барселона» келишувни март ойида расман эълон қилиши мумкинлигига ишончи комил. Клуб имкон қадар тезроқ келишувга эришмоқчи.
Клубдаги манбаларнинг таъкидлашича, стриминг хизмати билан келишув «бозордаги энг яхшиси» бўлади.
Турли ҳисоб-китобларга кўра, каталонияликлар 4 йиллик шартномада Spotify компаниясидан тахминан 300 миллион евро олади.
Компания, шунингдек, «Барселона»нинг титул ҳомийсига айланади, «Камп Ноу» стадионига ном бериш, шунингдек, жамоанинг машғулот либосида ўз логотипини жойлаштириш ҳуқуқини қўлга киритади.
