«Барселона» агар Эрлинг Холанд билан келишув амалга ошмаса, ўз ҳужум чизиғини қандай кучайтириш ҳақида ўйламоқда.

Каталония клуби бир неча ойлардан бери «Боруссия» ҳужумчисининг трансфери устида ишламоқда. Шу билан бирга, «кўк-анорранглилар» норвегиялик футболчига бўлган талаб даражасини ҳисобга олган ҳолда, ушбу трансферни амалга ошириш қийин бўлишини тушунмоқда. Шу сабабли, каталонияликлар трансфер бозорини яхши ўрганиб, бир қатор муқобилларни қидирмоқда.

Mundo Deportivo хабарига кўра, «Барселона»да Ромелу Лукаку, Тимо Вернерларга (иккаласи ҳам «Челси») қизиқишни бошлади. Шунингдек, Патрик Шик («Байер») ва Рафаэл Леауларнинг (Милан) варианти ҳам кўриб чиқилмоқда.

Қайд этилишича, "Барселона" раҳбариятига Леау рўйхатдаги қолган футболчиларга қараганда кўпроқ ёқади.