Хави Эрнандеснинг мураббийлик фаолиятидаги илк Европа клуби «Манчестер Юнайтед» бўлиши мумкин эди.
"Қизил иблислар" раҳбарияти Сульшернинг натижага эришиш қобилиятига ишончни йўқотганидан сўнг, янги мураббий қидираётган эди. Ўтган йилнинг ноябрь ойида норвегияликнинг ўрнини Ральф Рангник эгаллаганди, бироқ аввалроқ «қизил иблислар» раҳбарлари Хави билан боғланишганди.
Ўша пайтда Қатарнинг «Ал Садд» жамоасини бошқарган машҳур испаниялик футболчи «Манчестер Юнайтед» томонидан келиб тушган таклифини кўриб чиқмади, чунки у «Барселона»га ўтиш имкониятини кутаётган эди, деб хабар беради Goal портали.
Хави «Барселона» сафида 2021 йилнинг ноябридан ойидан бери ишлаб келмоқда. Унинг раҳбарлигида «кўк-анорранглилар» барча мусобақаларда 22 учрашувда 11 ғалабага эришди.
