«Манчестер Юнайтед» Англия Премьер-лигасининг 29-тури доирасида ўз майдонида Лондоннинг «Тоттенхэм» клубини қабул қилди ва бу учрашувда Криштиану Роналду учта гол уриб, клубига ғалаба келтирди. Роналду учун бу унинг Англия Премьер-лигасидаги иккинчи хет-триги бўлди. У биринчи марта 2008 йилнинг январида «Ньюкасл»га қарши кечган ўйинда, «Манчестер Юнайтед» сафида илк марта бир ўйинда 3 та гол урган. Роналдунинг иккита хет-трики ўртасида ўн тўрт йил-у эллик тўққиз кун бор ва бу Англия Премьер-лигаси тарихидаги иккита хет-трик ўртасидаги энг узун давр ҳисобланади.

Бу мавсумда Криштиану Роналду чемпионатда 12 та гол урди, у ҳозирда жамоасининг энг яхши тўпурари ҳисобланади.