Келаётган ёзда "Манчестер Сити" ҳужумчи Эдин Жекодан воз кечишга уриниб кўради. Футболчи Бундеслигага қайтиб, Мюнхеннинг "Бавария"сида ўйнаши мумкин.
Эслатиб ўтамиз, "шаҳарликлар" Жекони ўтган йилнинг январида 27 миллион фунт-стерлингга сотиб олишган эди. Эдин Премьер-Лигага "Вольфсбург" учун 111 ўйинда 66 та гол киритган туғма тўпурар сифатида ўтган эди.
Бироқ юқори рақобат, майдонда жуда кам тушиш ва мураббийнинг ишончсизлиги босниялик ўйинчи ўзини бахтсиз ҳис қилишига асос бўлди. Жеко келаётган ёзда Бундеслигага қайтишга тайёр.
Бундеслигада эса 26 ёшли ҳужумчининг трансфер баҳоси ва унинг ҳозирги маоши – ҳафтасига 100 минг фунт-стерлингни тўлай оладиган ягона кулаб бор — "Бавария". Агар Эдин ўз иштаҳасини енга олса, уни Дортмунднинг "Боруссия"си ҳам сотиб олиши мумкин.
"The Independent"нинг хабар беришича "Бавария" ва "Сити" ўртасида бу борда тўғридан-тўғри музокара ўтказилмаган. Бироқ, Бундеслига гранди "шаҳарликлар" Жеко бўйича таклифларни ўрганиб чиқишга тайёр эканидан хабардор. Табиийки, Манчестер клуби Эдин ўрнига бошқа футболчини олади. Масалан, "Наполи"дан Эдинсон Кавани, "Реал"дан Гонсало Игуаин, "Боруссия"дан Роберт Левандовски.
