Бош мураббий Томас Тухель ёзгача «Челси»ни тарк этиш ниятида эмас.
“Мавсум охиригача қолишимга шубҳам йўқ. Вазиятни ҳар куни баҳолаш керак, чунки ҳамма нарса ўзгариши мумкин. Клуб сотувга қўйилган ва умид қиламанки, ҳаммаси яхши бўлади. Шундай экан, келинг кундан-кунга олдинга интилайлик, умуман олганда бу ҳаётга яхши ёндашув.
Биз назорат қила олмайдиган ҳолатлар мавжуд, аммо бу бизга нимани ўзгартиришимиз мумкинлигига эътибор қаратишимизга имкон беради: жамоамизга, ўйинчиларга ва менга.
Аммо «Челси» шунчаки асосий жамоа эмас. Бу буюк тарихга эга улкан клуб, бу ерда юзлаб одамлар ишлайди, шунинг учун ҳам кўнглини чўктирмасликка ва уларнинг чалғишига ёрдам бериш керак.
Биз клуб билан кечаётган жараёнга ишонишимиз керак. Биз таниқли инсонлармиз, чунки биз камерада баёнот беришимиз мумкин, лекин биз бор-йўғи ишчимиз холос.
Биз вазият учун жавобгар эмасмиз, шунинг учун биз ўз ишимиз билан шуғулланамиз. Клубда мен ҳар куни кўриб турган ва бу ерда ўнлаб йиллардан бери ишлаб келаётган, лекин унчалик машҳур бўлмаган жуда кўп ташвишли одамлар бор. Улар келажак ҳақида қайғурадилар. Демак, 90 дақиқалик ўйин қанчалик муҳимлигини кўрамиз. Биз одамларга қувонч келтириш учун ўйнаймиз”, - деди Тухель.
