«Интер» дарвозабони ва сардори Самир Ханданович «Торино»га қарши ўйиндан сўнг журналистлар билан суҳбатлашди. Милан клуби «буқалар» билан ўйинда дуранг ўйнади - 1:1.
«Бизни қийин учрашув кутиб турганини билардик. Яхши вазиятлар яратдик, аммо уларнинг дарвозабони жуда ишончли ўйнади.
Албатта, биз уч очкони қўлга киритишни хоҳлагандик, аммо омадимиз келмади. Скудетто учун кураш охирги турларгача давом этади. Биз ҳар доим ғалаба қозонишга ҳаракат қиламиз, лекин исталган натижага эришиш ҳар доим ҳам мумкин эмас», - дейди Ҳанданович.
Айни дамда «Интер» А серия турнир жадвалида 3-ўринда бормоқда. «Нерадзуррилар» 1-ўриндаги «Милан»дан 4 очко ортда қолмоқда.
