«Inter» darvozaboni va sardori Samir Xandanovich «Torino»ga qarshi o‘yindan so‘ng jurnalistlar bilan suhbatlashdi. Milan klubi «buqalar» bilan o‘yinda durang o‘ynadi - 1:1.
«Bizni qiyin uchrashuv kutib turganini bilardik. Yaxshi vaziyatlar yaratdik, ammo ularning darvozaboni juda ishonchli o‘ynadi.
Albatta, biz uch ochkoni qo‘lga kiritishni xohlagandik, ammo omadimiz kelmadi. Skudetto uchun kurash oxirgi turlargacha davom etadi. Biz har doim g‘alaba qozonishga harakat qilamiz, lekin istalgan natijaga erishish har doim ham mumkin emas», - deydi Handanovich.
Ayni damda «Inter» A seriya turnir jadvalida 3-o‘rinda bormoqda. «Neradzurrilar» 1-o‘rindagi «Milan»dan 4 ochko ortda qolmoqda.
