"ПСЖ" "Барселона" ҳужумчиси Усмон Дембеле билан шартнома шартларини келишиб олди. RMC Sport хабарига кўра, футболчи ёзда эркин агент сифатида француз клубига ўтади.
Олдинроқ “Барселона” Дембелега йилига 8 миллион евро маош билан 2024 йилгача шартнома таклиф қилгани хабар қилинганди.
Жорий мавсумда Дембеле “Барселона” сафида 16 та ўйинда майдонга тушиб, 2 та гол урди ва 5 та голли узатмани амалга оширди. Ҳужумчининг Каталония клуби билан шартномаси 2022 йилнинг 30 июнига қадар амал қилади.
Қишки трансфер ойнасида Дембеле ПСЖга ўтишга яқин қолганди, аммо келишув сўнгги дақиқада барбод бўлди.
