Marca нашрининг хабар беришича, «Челси» раҳбарияти жамоа ҳимоячиси Сесар Аспиликуэта билан шартномани бир йилга узайтирди. Шу билан бирга, ҳимоячининг хоҳиши инобатга олинмади.
Бугундан эътиборан 32 ёшли ҳимоячининг клуб билан амалдаги шартномаси келаси йилнинг ёзигача амал қилади. Чунки, клуб ва футболчи ўртасида тузилган амалдаги шартномада "клуб футболчининг иштирокисиз шартномани бир йилга узайтириш ҳуқуқига эга" деган банд бор. "Челси" айнан мана шу банддан фойдаланди.
Миш-мишларга қараганда, испаниялик ҳимоячи «Барселона» билан шахсий шартномага келишиб олганди. Каталонияликлар ёзда Аспиликуэтани ёзда текинга ўз сафларига қўшиб олишлари мумкин эди, бироқ, энди каталонияликлар ушбу битимни амалга оширишмоқчи бўладиган бўлса, товон пули тўлашларига тўғри келади.
