Португалиянинг "Бенфика" клуби бош мураббийи Нелсон Вериссиму ЕЧЛнинг 1/8 финал жавоб учрашуви доирасида "Аякс" жамоасига қарши бўлиб ўтадиган ўин ҳақидаги фикрларини билдирди.

«Аякс»дек жамоанинг қийин тўсиғини енгиб ўтиш учун юқори савияда ўйнашимиз керак. Лекин биз муваффақиятга эришиш имконияти 50/50 деб ҳисоблаймиз. Буни биринчи ўйин олдидан айтгандим, эҳтимол кўпчилик бунга ишонмагандир. «Аякс» бизни ҳурмат қилиши керак, биз ҳам «Аякс»ни ҳурмат қиламиз, шундан сўнг «мушук ва сичқон» ўйини бошланади, заиф томонлар ва бўш худудлардан фойдаланиш усуллари аниқланади" - деди Вериссиму УЕФА расмий сайтига.

Ушбу беллашув бугун тунда - Тошкент вақти билан соат 01:00да бошланади. Дастлабки учрашувда 2:2 ҳисоби қайд этилганди.