Карим Бензема ва Винисиус Жуниор - Ла Лиганинг энг яхши тўпурарлари бўлиб турибди.

Испания чемпионатининг 28-туридан ўрин олган “Мальорка”га қарши ўйинда (3:0) Винисиус Бенземанинг узатмасидан сўнг гол урди. Бу бразилиялик футболчининг Ла Лиганинг жорий мавсумидаги 14-голи бўлиб, у турнирнинг энг яхши тўпурарлар рўйхатида Иаго Аспас, Рауль де Томас ва Энес Унални ортда қолдирди ва иккинчи ўринга кўтарилиб олди. Шунингдек, 21 ёшли форвард мусобоқа давомида 6 та голли узатмани амалга оширган.

Рўйхатда биринчи ўринни Карим Бензема эгаллаб турибди. "Мальорка" билан ўйинда у пенальтидан гол урди.

Карим жорий мавсумда Ла Лиганинг 25 ўйинида 21 гол ва 11 голга ассистентлик қилди.