Жозе Моуриньо Ла-лига ўйинлари олдидан уюштириладиган матбуот анжуманларига ўзи учун табу жорий қилгач, унинг номидан гапириб турган ёрдамчи мураббий Айтор Каранка "Барселона"га қарши ўтадиган 35-тур ўйинидан кутаётганлари ҳақида ўртоқлашди.
"Биз "Камп Ноу"да аввалги учрашувларда қандай ўйнаган бўлсак, шундай ўйнаймиз. Бу стадионда сўнгги уч ўйинда қўлимиздан келган барчасини қилувдик ва ҳақиқатан ҳам жуда ажойиб ўйинларни ўтказган эдик.
Табиийки, ўртага тикилган уч очконинг қадри жуда баланд, ахир мавсум охиригача саноқли ўйинлар қолди Эртанги натижадан қатъий назар, бутун йил давомида қандай ишлаган бўлсак, шундай ишлашда давом этамиз.
Жорий мавсумда жамоамиз катта ишларни амалга оширди. Ютамизми, дуранг ўйнаймизми ё тқазамизми – изчиллик билан ишлашда давом этамиз. Эртанги ўйининг муҳимлик даражаси қолган ўйинлар билан бир хил. Ҳа, "Барселона" – бизнинг асосий рақибимиз, лекин олдинда яна ўйинлар бор ва курашни охиригача олиб борамиз.
Жамоамиз чарчаб қолгани йўқ. Бунга ишончим комил. Биз таркибни ротация қилмоқдамиз, бироқ Класикодек учрашувга жамоа чарчаоқ ҳолатида етиб келмаслиги лозим. Ҳамма ўйнашга тайёр, бу эса жуда муҳим", - дея Каранка сўзларини келтирмоқда "Реал"нинг расмий сайти.
