"Ювентус" бош мураббийи Массимилиано Аллегри "Вильярреал"га қарши Чемпионлар лигаси 1/8 финал жавоб ўйини (биринчи ўйин — 1:1) олдидан ўз фикрлари билан ўртоқлашди.
“Биз ўз олдимизга турнирда ғалаба қозонишни мақсад қилиб қўйишимиз керак. Эртанги ўйин биз учун финалдек бўлади, демак, атмосфера ҳам шунга мос бўлиши керак.
Учрашув қийин бўлади. Ҳимояда яхши ўйнашимиз кераклиги аниқ. Альваро Мората ҳозир ажойиб формада. Ҳамма ажойиб кўринмоқда. Биз жамоа бўлиб йиғилдик, аммо ҳозирча ҳеч нарсага эриша олмадик", - дея Аллегрининг сўзларини келтиради УЕФА расмий сайти.
