УЕФА ЕЧЛнинг 1/8 финал жавоб учрашуви доираси бўлиб ўтадиган «Лилль» – «Челси» жамоалари ўртасидаги учрашув хавф остида эмаслигини айтди.
Ташкилот Европа Иттифоқи томонидан Роман Абрамовичга нисбатан жорий қилинган санкциялар Чемпионлар лигаси 1/8 финалининг «Лилль» - «Челси» ўртасидаги жавоб ўйинига халақит бермаслигига ишонтирди.
Британия ҳукумати томонидан Лондон клубига берилган лицензия Европа ўйинлари учун ҳам амал қилади.
Аммо, агар "Челси" кейинги босқичга йўлланма олса, 1,8 миллион евро мукофот пулини олиши даргумон. Бу миқдор Британия ҳукумати томонидан музлатиб қўйилиши мумкин.
«Лилль» - «Челси» учрашуви эртага «Стад Пьер-Мауро» стадионида Тошкент вақти билан соат 01:00да бошланади.
