Жамоанинг Испания Ла-лигаси доирасидаги уй учрашувларига кириш ҳуқуқини берувчи йиллик абонемент сотиб олган "Валенсия" мухлислари 26 апрель куни "Атлетико"га қарши ўтадиган Европа лигаси ярим финали жавоб учрашувига текин қўйилади.
Клуб расмий сайти "Валенсия" раҳбариятининг мана шундай қарорга келгани ҳақида хабар чиқарди. Шунингдек, абонементи бўла туриб ўйинга чипта харид қилиб қўйган мухлисларнинг харажатлари қопланади.
Эслатиб ўтамиз, "Атлетико"га қарши Мадридда бўлиб ўтган биринчи ўйинда "Валенсия" 2:4 ҳисобида мағлубиятга учраган.
