Мадриднинг “Атлетико” клуби ҳужумчиси Антуан Гризманн “Манчестер Юнайтед”га қарши Чемпионлар лигаси 1/8 финал жавоб ўйинини сарҳисоб қилди. “Матрасчилар” сафарда 1:0 ҳисобида ғалаба қозониб, клублар ўртасидаги энг нуфузли турнири чорак финалига йўл олди.
“Мен жамоага ҳужумда ҳам, ҳимояда ҳам ёрдам беришни хоҳлардим. Жамоамиздаги ҳар бир футболчи яхши ўйнади.
Биз яхши ўйин кўрсатдик. "Атлетико"га қарши ўйнаш қанчалик қийинлигини исботлай олдик. Чемпионлар лигасининг чорак финалига чиққанимиздан жуда хурсандман", - дея Гризманн сўзларини келтиради УEФА матбуот хизмати.
