«Аякс» бош мураббийи Эрик тен Хаг Чемпионлар лигаси 1/8 финалида «Бенфика»га қарши ўйинда (0:1) жамоанинг мағлубияти сабабларини таҳлил қилди.
- Позициявий ҳужумимиз жуда яхши ўтди. Биз тўп билан ажойиб ўйнадик. Бунинг учун йигитларимни мақташим керак. Эҳтимол, етишмаётган ягона нарса - зукколик эди. Эҳтиётсиз ўйналган битта вазият бизни Чемпионлар лигаси билан хайрлашишга мажбур қилиши жуда ачинарли.
Ўзгартиришни амалга ошириш учун жуда кўп вақт керак бўлди, чунки мен Бергхейс ёки Антонидан қандайдир сеҳрли дақиқани кутаётгандим. Биз устунлик қилдик, шунинг учун мен ҳеч нарсани ўзгартиришга сабаб кўрмадим, - деди УЕФА расмий сайтига.
