"Ювентус"нинг италиялик мураббийи Массимилиано Аллегри журналистларга Чемпионлар лигасининг жорий мавсумида туринликларнинг асосий мақсадлари ҳақида гапириб берди.
Аллегрининг айтишича, "кекса синьора" жорий мавсумда Чемпионлар лигасида ғолиб чиқишни мақсад қилган. Массимилиано "Вильярреал"га қарши бўлажак 1/8 финал жавоб ўйини жуда қийин бўлишини таъкидлади, бироқ у ўз жамоасига ишонади.
Эслатиб ўтамиз, "Ювентус" - "Вильярреал" ўртасидаги жавоб учрашуви бугун Тошкент вақти билан соат 01.00да бўлиб ўтади. Дастлабки ўйинда жамоалар 1:1 ҳисобида дуранг ўйнашди.
