"Yuventus"ning italiyalik murabbiyi Massimiliano Allegri jurnalistlarga Chempionlar ligasining joriy mavsumida turinliklarning asosiy maqsadlari haqida gapirib berdi.
Allegrining aytishicha, "keksa sinyora" joriy mavsumda Chempionlar ligasida g‘olib chiqishni maqsad qilgan. Massimiliano "Vilyarreal"ga qarshi bo‘lajak 1/8 final javob o‘yini juda qiyin bo‘lishini ta’kidladi, biroq u o‘z jamoasiga ishonadi.
Eslatib o‘tamiz, "Yuventus" - "Vilyarreal" o‘rtasidagi javob uchrashuvi bugun Toshkent vaqti bilan soat 01.00da bo‘lib o‘tadi. Dastlabki o‘yinda jamoalar 1:1 hisobida durang o‘ynashdi.
