Мадриднинг «Реал» клуби ҳужумчиси Карима Бензема «Барселона» жамоасига қарши бўладиган учрашувда иштирок этиши сўроқ остида турибди.
34 ёшли франциялик ҳужумчининг мушакларида муаммолар пайдо бўлган. Унинг тиббий кўрикдан ўтказилиши бекор қилинди. У навбатдаи "эл-класико"ни ўтказиб юбориши мумкин, бироқ, шу билан бирга унинг майдонга тушишига умид қилишмоқда.
Шунингдек, «Реал» ҳимоячиси Ферлан Менди аниқ "Барселона"га қарши ўйинни ўтказиб юборади. У 10-15 кунга сафдан чиқди.
«Реал» ўз майдонида «Барселона»ни Ла Лиганинг 29-тур доирасида 21 март куни қабул қилади ва учрашув 01:00да бошланади.
