"Челси" сотиб олмоқчи бўлган даъвогарлар келишувни якунлаш учун биргаликдаҳаракат қилишлари мумкин, деб хабар беради Sky Sport.
Манбага кўра, консорциум таркибига қуйидагилар кириши мумкин: британиялик миллиардер Ник Кэнди, швейцариялик бизнесмен Хансйорг Висс, Тодд Боэли ва кўчмас мулк инвестори Жонатан Голдштейн.
Эслатиб ўтамиз, 10 март куни Буюк Британия ҳукумати "Челси"нинг россиялик хўжайини Роман Абрамовичга нисбатан санкциялар жорий этиб, унинг барча активларини музлатиб қўйганди. Клуб даромадини йўқотди ва сотувга қўйилди.
Шунингдек, "Челси"нинг потенциал харидорлари орасида "Saudi Media Group" компанияси ҳам бор.
