"Бавария" клуби бош директори Оливер Кан жамоа ҳар йили Чемпионлар лигасида ғалаба қозонишни исташини айтди.

“Биз спортда нимага эришмоқчи эканлигимизни аниқ биламиз. Мақсадимиз ҳар йили Чемпионлар лигасида ғолиб чиқиш. Бу жамоани мақсадли кучайтиришни амалга оширамиз, шунингдек, футболчиларимиз билан янги шартномалар бўйича музокараларни бошлаймиз.

Шартнома музокараларига келсак, мен жуда хотиржамман. Биз ўзимизга ташқаридан босим ўтказишга йўл қўймаймиз.

Мавсумнинг ҳал қилувчи палласи яқинлашмоқда. Ҳозир биз учун Бундеслигадаги кетма-кет ўнинчи чемпионлик ва Чемпионлар лигасида зафар қучиш муҳим. «Бавария» энг муҳим пайтда курашда қолиши билан машҳур", - деди "Бавария" бош директори.