Польша футбол федерацияси миллий терма жамоа футболчиларига Европа чемпионатидаги муваффақият эвазига бериладиган мукофот суммаларини эълон қилди.
Агар Польша гуруҳдан чиқадиган бўлса, бир миллион евро мукофот берилади. Агар жамоа ярим финал ёки финалга чиқса, мукофот мос равишда 1.5 ва 2.25 миллион еврогача оширилади. Ушбу маблағ терма жамоа штаби ва аъзолари орасида қай тарзда тақсимланиши ошкор қилинмаяпти, лекин яна бир анқи маълумот, терма жамоа сафида асосий таркибга тушган ҳар бир футболчи 15 минг евродан пул олади.
Эслатиб ўтамиз, Польша терма жамоаси гуруҳ босқичида Россия, Греция ва Чехияга қарши ўйнайди.
