"Ювентус" бош мураббийи Массимилиано Аллегри «Вильярреал»га қарши бўлиб ўтадиган ўйиндан олдинги фикрларини билдирди.

1/8 финалнинг биринчи ўйини дуранг (1:1) билан якунланганди. Бугун жамоалар Туринда майдонга тушишади.

“Бизга яхши ўйин ва жуда яхши жамоага қарши сабр керак. Унаи Эмери Еврокубокларада жуда кўп ғалаба қозонди, бизга ажойиб ўйин керак.

Ўйин тактик бўлиши мумкин, лекин эҳтимол у дарҳол очилиб кетиши ҳам мумкин. Футболчилар алмаштиришлар ҳам жуда муҳим роль ўйнаши мумкин.

Чорак финалга чиқиш катта ютуқ бўларди. Чунки, биз ҳалиям барча фронталарда кураш олиб боряпмиз.

Мен йигитларга айтдим, агар улар эртага машғулот ўтказишни истамасалар, кейинги босқичда ўзимиз учун ўрин ҳозирлаб қўйишимиз керак”, - деди «Ювентус» бош мураббийи Amazon Prime Italia.