Микель Артета АПЛнинг 27-туридан ўрин олган «Ливерпул»га қарши бўлиб ўтган ўйин ҳақида фикр билдирди.

Артета бошчилигидаги «Арсенал» 0:2 ҳисобида мағлуб бўлди.

«Икки жарима майдончаси ўртасида биз ўз режалаштирган барча ишимизни қилдик. Жарима зарбаларида содир бўлган воқеа - бошқа нарса, шу туфайли биз мағлуб бўлдик.

Бизда иккита яхши вазият бўлганди. Габриель Мартинелли дарвозабон билан яккама-якка чиқди, кейин Эдегорда ажойиб имконият бўлди. Ҳисобда олдинга чиқиб олишимиз керак эди. Бугунгидек гол ўтказиб юборсак, ўйинда ғалаба қозониш қийин бўлади.

Ўйлашимча, бугун бутун жамоа ажойиб ўйнади. Ўйлайманки, натижа ўйинни акс эттирмайди, аммо уларда жарима майдончасида ҳал қилувчи вазиятлар бўлди. Икки марта аниқ зарба йўллашди ва ғалаба қозонишди”, - деди «канонирлар» бош мураббийи.