Англия чемпионатининг 27-туридан ўрин олган учрашувда “Арсенал” ўз майдонида “Ливерпуль”ни қабул қилди. Учрашув Лондондаги "Эмирейтс" стадионида бўлиб ўтди ва меҳмонларнинг 2:0 ҳисобидаги ғалабаси билан якунланди.
Ғолиблар қаторида Диого Жота ва Роберто Фирминьо гол урди.
Шу тариқа, “Ливерпуль” Англия чемпионатидаги ғалабали сериясини тўққизта ўйинга етказди. “Арсенал” эса ўзининг кетма-кет бешта ўйинлик ғалабали сериясини тўхтатди.
"Арсенал" айни дамда 51 очко билан АПЛ турнир жадвалида 4-ўринда бормоқда. “Ливерпуль” эса 69 очко билан иккинчи ўринда. Жамоа пешқадам "Манчестер Сити"дан 1 очко ортда қолмоқда.
Кейинги турда “Арсенал” “Астон Вилла”га, “Ливерпуль” эса “Уотфорд”га қарши баҳс олиб боради.
