Журналист, спорт шарҳловчиси Даврон Файзиев Европа Чемпионлар лигаси нимчорак финалидан ўрин олган "Лилль" - "Челси", "Ювентус" - "Вильярреал" ўйинлари ҳақида фикр билдирди.

"Лилль" - "Челси" 1:2
Фақатгина 38-дақиқадаги голдан кейин "Лилль"да бурилиш ясаш имкони пайдо бўлди. Бироқ топ клублар даражаси айнан керакли вақтда қўша олишда ҳам акс этади. Пулишич ва Аспиликуэта гол уриб "Челси" устунлигини таъминлашди.

"Ювентус" - "Вильярреал" 0:3
Ҳа, "Вильярреал" ҳавфлилигини билардик, Эмери плэй-оффчилигини ҳам. Аммо Туринда бунчалик бўлишини кутиш қийин эди. Бу ерда якунга яқин 78-дақиқада Морено томонидан урилган гол ҳал қилди. "Юве" табиийки ҳужумни ўйлади ва яна иккитани қабул қилди.

Чорак финалга қуръа ташлаш маросими 18 март жума куни ўтказилади. Кўр қуръа, саватлар бўлмайди, ҳар ким бир-бирига тушиши мумкин. Шунингдек, ярим финалдаги эҳтимолий жуфтликларга ҳам қуръа ташланади ва уёғига олимпия тизимида давом этади.
Ким чемпион, қандай жуфтликлар кутяпмиз, буларни сиздан сўраймиз..", - деб ёзди Файзиев ўз Telegram каналида.