Мадриднинг “Реал” клуби раҳбарияти рақибларнинг бразилиялик ҳужумчи Винисиус Жуниорга бўлган муносабатидан хавотирда, деб хабар беради АS.
Манбанинг хабарига кўра, "қироллик клуби" раҳбарияти рақиблар бразилиялик футболчига қарши ўта агрессив ўйнаяпти, деб ҳисобламоқда. Шунингдек, клуб футболчи ирқчилик қурбонига айланмоқда, деб ҳисоблайди. Шу муносабат билан жамоа бош мураббийи Карло Анчелотти Винисиус провокацияларга берилмаслигини ва бунинг учун карточка олмаслигини таъкидламоқда.
21 ёшли Винисиус жорий мавсумда “Реал” сафида 38 та ўйинда майдонга тушиб, 17 та гол ва 14 та голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган.
