Madridning “Real” klubi rahbariyati raqiblarning braziliyalik hujumchi Vinisius Juniorga bo‘lgan munosabatidan xavotirda, deb xabar beradi AS.

Manbaning xabariga ko‘ra, "qirollik klubi" rahbariyati raqiblar braziliyalik futbolchiga qarshi o‘ta agressiv o‘ynayapti, deb hisoblamoqda. Shuningdek, klub futbolchi irqchilik qurboniga aylanmoqda, deb hisoblaydi. Shu munosabat bilan jamoa bosh murabbiyi Karlo Anchelotti Vinisius provokasiyalarga berilmasligini va buning uchun kartochka olmasligini ta’kidlamoqda.

21 yoshli Vinisius joriy mavsumda “Real” safida 38 ta o‘yinda maydonga tushib, 17 ta gol va 14 ta golli uzatmani amalga oshirdi. Uning klub bilan shartnomasi 2024 yilning yoziga qadar mo‘ljallangan.