“Кристал Пэлас” ҳимоячиси Марк Гехи илк бор Англия терма жамоасига чақирилди.

Футболчи аввалроқ "Челси"га тегишли эди, аммо жорий мавсум бошланишидан олдин Гехи 18 миллион фунт стерлинг эвазига "Пэлас"га кўчиб ўтди.

Жорий мавсумда Гехи Премьер-лигада 28 та ўйин ўтказиб, 2 та гол урди. Трансфермаркт маълумотларига кўра, ҳимоячининг трансфер нархи 22 миллион фунтни ташкил қилади.

Гехи Англия ёшлар терма жамоасида ҳам ўйнаган бўлиб, унда 16 та ўйин ўтказиб, 1 та гол урган.

Англия терма жамоаси 26 март куни Швейцарияга, 29 март куни Кот-д'Ивуарга қарши иккита ўртоқлик учрашуви ўтказади.