“Kristal Pelas” himoyachisi Mark Gexi ilk bor Angliya terma jamoasiga chaqirildi.
Futbolchi avvalroq "Chelsi"ga tegishli edi, ammo joriy mavsum boshlanishidan oldin Gexi 18 million funt sterling evaziga "Pelas"ga ko‘chib o‘tdi.
Joriy mavsumda Gexi Premyer-ligada 28 ta o‘yin o‘tkazib, 2 ta gol urdi. Transfermarkt ma’lumotlariga ko‘ra, himoyachining transfer narxi 22 million funtni tashkil qiladi.
Gexi Angliya yoshlar terma jamoasida ham o‘ynagan bo‘lib, unda 16 ta o‘yin o‘tkazib, 1 ta gol urgan.
Angliya terma jamoasi 26 mart kuni Shveysariyaga, 29 mart kuni Kot-d'Ivuarga qarshi ikkita o‘rtoqlik uchrashuvi o‘tkazadi.
