"Манчестер Юнайтед"нинг икки супер юлдузи Жейдон Санчо ва Маркус Рэшфорд Швейцария ва Кот-д'Ивуарга қарши бўлиб ўтадиган ўртоқлик ўйинлари учун Англия терма жамоасига чақирилмади.
Санчони таклиф қилмаслик ҳақидаги қарори ҳақида Саутгейт шундай деди: "Жейдон сўнгги бир неча ҳафта ичида формасини тиклаб олди, аммо бизда ярим ҳимояда жуда катта рақобат бор ва у ҳозирда ўзини энг яхши ўйинини кўрсатмаяпти".
Рэшфорд ҳақида Саутгейт қўшимча қилди: "Бу унинг учун қийин вақт, Маркус яхши ҳолатда эмас. Ҳар ҳолда, биз Рэшфорд бизга нима бера олиши ҳақида кўп нарсани биламиз. Умид қиламизки, у мени тўғри тушунди”.
Англия терма жамоаси 26 март куни Швейцария билан, 29 март куни Кот-д'Ивуар билан ўйнайди.