«Ювентус» Чемпионлар лигаси 1/8 финалининг жавоб учрашувида «Вильярреал»га 0:3 ҳисобида мағлуб бўлганидан сўнг, жамоа мухлислари футболчиларни қаттиқ қоралади.
Кўплаб танқидлар клуб ҳимоячилари Жоржио Кьеллини ва Леонардо Бонуччига қаратилди, гарчи улар ўйинда қатнашмаган бўлсалар ҳам.
Мухлислар футболчиларни жароҳатларини баҳона қилиб, Чемпионлар лигасида жамоасига ёрдам беришдан кўра, жаҳон чемпионати саралашига тайёргарлик кўришни афзал кўрганликда айблашди.
Дарҳақиқат, Кьеллини Италия терма жамоаси билан Қатарга боришни орзу қилишини инкор этмади.
