«Yuventus» Chempionlar ligasi 1/8 finalining javob uchrashuvida «Vilyarreal»ga 0:3 hisobida mag‘lub bo‘lganidan so‘ng, jamoa muxlislari futbolchilarni qattiq qoraladi.
Ko‘plab tanqidlar klub himoyachilari Jorjio Kyellini va Leonardo Bonuchchiga qaratildi, garchi ular o‘yinda qatnashmagan bo‘lsalar ham.
Muxlislar futbolchilarni jarohatlarini bahona qilib, Chempionlar ligasida jamoasiga yordam berishdan ko‘ra, jahon chempionati saralashiga tayyorgarlik ko‘rishni afzal ko‘rganlikda ayblashdi.
Darhaqiqat, Kyellini Italiya terma jamoasi bilan Qatarga borishni orzu qilishini inkor etmadi.
